🌧️ EZ DUZU BETI INDARTSUA IZAN BEHAR

Egun on, irakurle maitea;

Bizitzako momentu zail bat bizi dugunean, askotan entzuten dugu esaldi bera: “Indartsua izan behar duzu.”

Eta pixkanaka, esaldi hori barruan sartzen da. Pentsatzen hasten gara ezin dugula negar egin. Ezin dugula nekatuta egon. Ezin dugula hautsi.

Badirudi indartsua izatea dela dena jasatea isilean.

Baina egia da indarra ez dela beti horrela agertzen.

Batzuetan, indarra da nekatuta zaudela aitortzea.

Batzuetan, indarra da negar egitea behar duzunean.

Eta beste batzuetan, indarra da ez dakizula nola jarraitu esatea.

Gizakiak gara. Eta gizaki izateak esan nahi du emozioak ditugula.

Egoera gogorretan —familia bat ospitalean, gaixotasun bat gertutik bizitzen, edo beldurra eta ziurgabetasuna inguruan daudenean— barruko tentsioa handia izan daiteke.

Eta horrelako momentuetan, askotan geure buruari eskatzen diogu beti sendo egoteko.

Baina bihotzak ere atseden behar du.

Emozioek ere irtenbidea behar dute.

Zure burua ahul sentitzen baduzu momenturen batean, horrek ez du esan nahi gutxiago balio duzunik. Ez du esan nahi huts egiten ari zarenik.

Horrek esan nahi du benetan sentitzen ari zarela.

Eta sentitzen duen bihotz batek ez du zertan beti armadura jantzita ibili.

Batzuetan, sendatzaileena da maskara kentzea.

Batzuetan, askatzaileena da beste baten aurrean benetan nola zauden esatea.

Gogoratu: ez duzu beti indartsua izan behar.

Batzuetan, benetako indarra zure gizatasuna onartzean dago.

Besarkada bat jaso bihotzetik eta gogoratu partekatzeaz.

💛💛💛💛

#indarra

#emozioak

#osasunemozionala

#zaintza

#gizatasuna

#barneoreka

#AneLoreAlzuri